Registers van de Hollandse grafelijkheid 1299-1345

Graaf Willem IV schenkt zijn neef heer Arnoud van Haamstede voor de duur van diens leven de ambachten Oostzaanden, Wormer en Akersloot alsmede 20 pond Hollands jaarlijks, uit te keren door de rentmeester van Kennemerland, voorts dorp en ambacht Hillegom en het daartoe behorende Vennep, zoals de vrouwe van Voorne dat van graaf Willem III placht te houden, alsmede 20 pond Hollands jaarlijks uit de inkomsten van genoemd dorp, welke jaarrente bij onvoldoende inkomsten moet worden aangevuld door de rentmeester van Noordholland.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Willaem ..grave van Heynnegouwen^b etc. maken cond allen luden dat wi ghegheven hebben ende gheven voir ons ende voir onse nacomelinghe heren Arnoude van Haemstede^c, onsen lieven neve, onse ambochten van Oestzanden, van Wermer ende van Akerslote^d, ende al dat dien ambochten toe behoert, van ons te houden in allen manieren ende met allen vervalle als anders ambochts heren in Kenemerland^e hore ambochten van ons houden; ende mit desen ambochten soe gheven wi heren Arnoude voirs. XX lb. Hollands^f tsyairs, die wi willen dat hem onse rentemeester van Kenemerland^g bewijse van onsen renten in zekere stede, dair hise jairlix rusteliken op heffen mach. Vort hebben wi heren Aernde voirs. ghegheven ende gheven onse dorp ende ambocht van Hillighem, met Venppe, datter toe hoert, van ons te houden in allen manieren alst onse nichte die vrouwe van Voirne van onsen lieven here ende vader, dair God die ziele of hebben moete, te houdene plach; ende med^h desen dorpe voirscreven soe gheven wi heren Aernoude voirnoemd alle onse renten die wi dair binnen hebben, tote XX lb. Hollandsⁱ tsyairs toe, ende wat hem dair ane ghebreket, dat sel hem onse rentemeester van Noirtholland^j voldoen die nu is of namaels wesen sal. Ende alle dese voirscreven ambochten ende renten sel hair Aernoud voirnoemd ghebruken ende rustelike besitten also langhe als hi levet; ende na sire doet soe sullen dese voirs. ambochten ende renten weder vrylike an ons comen ende an onsen nacomelinghen. Ende ombieden onsen bailiuwen ende rentemeesters onder wies bedrijf die voirscreven ambochten ende renten gheleghen sijn dat si heren Aernoude, onsen lieven neve voirs., dair of rusteliken volghen ende ghebruken laten in der manieren dat voirscreven ^k, sonder ander ghebot dair of van ons te hebben. Ende alle puncten voirscreven sonder archlijst.

In orconde etc. Ghegeven tote Valentsijn des dinxendaghes na onser Vrouwen dach in maerte int jair XXXIX^o.