Registers van de Hollandse grafelijkheid 1299-1345

Graaf Willem IV vergunt Hazekijn, dochter van Trude van der Burg, dat het leengoed, dat haar moeder van graaf Willem III hield en zij nu van hem, na haar dood zal vererven op haar oudste kind, die het in recht leen zal houden.

Willem grave van Heynnegouwen^a etc. maken cond etc. Want onse lieve here ende vader, dair God die ziele of hebben moete, Truden van der Burch alsulke gratie ghedaen hadde dat alsulc leenghoet als si van him hilt comen soude na hueren live up Hasekijn^b huerer dochter, die nu ter tijt dat selve ghoet van ons hout, soe hebben wi Hasekijn^c vors. die gratie ghedaen dat dat voirs. ghoet comen zal na hueren live up hoir outste kint, ist zone ist dochter, ende die salt houden van ons ende van onsen nacomelinghen te rechten lene.

In orconde etc. Ghegheven te Hairlem des zaterdaghes na sinte Lucien dach anno XLII^o.