Reinoud III hertog van Gelre en graaf van Zutphen belooft graaf (Willem IV) schadeloos te houden vanwege diens borgstelling voor 3000 pond kleine penningen jegens de heer van Valkenburg en diens belofte aan heer Jan van Groesbeek, gedaan bij diens aanstelling tot rentmeester van Gelre en Zutphen.
Gelre nyet.
Een streep door het begin van de tekst.
Voor de betaling van 3000 pond kleinen aan heer Dirk heer van Valkenburg, zie nr. WI 425.
Wi Reynaud bi der ghenade Goids ..hertoghe van Ghelre ende ..grave van Zuytfen maken cond allen luden dat wi gheloven in goeden trouwen eenen hoeghen vermoeghenden manne, onsen lieven broeder ..greve van Heynnegouwena ende van Hollantb, scadelois te quiten van der gheloeften die hi vor ons gheloeft hevet den ..here van Valkenbourch van drien dusent ponden cleyne, te betalen te Pinxten naistcomendec, ende van sulken quitancien alse hi onsen borghen van den vorseyden ghelde ghegheven heeft, ende van alsulken gheloeften alse hi heren Johanne van Groesbeec, onsen rentemester van den lande van Ghelre ende van Zuytphen, in twien brieven, duer inne wi hoem onsen rentemester ghemaect hebben, gheloeft vor ons ende bezeghelt heeft.
In orkonde dies briefs bezeghelt mid onzen zeghel. Ghegheven tote Tiele des sonnendaghes na sinte Agnieten daghe int jaer ons Heren Mo CCCo vive ende viertich.