Registers van de Hollandse grafelijkheid 1299-1345

Graaf Willem III beleent – op advies van zijn met name genoemde raadsleden – Jan Persijn, zoon van Nicolaas Persijn, met de goederen die diens vader eerder in leen hield, met de bepaling dat bij ontstentenis van een zoon dit goed ook op een wettige dochter mag vererven, en dat het in geval van Jans overlijden zonder wettig nageslacht het goed zal komen aan diens oom Jan Persijn, die nu samen met hem ermee wordt beleend.

De inkt van deze optekening is sterk vervaagd, maar nog overal leesbaar.

Zie voorts de aantekening bij nr. WI 432.

Wi Willem grave van Henegouwen^b, van Hollant^c, van Zeelant^d ende here van Vriesland maken cond allen luden dat wi bi rade onser liever ende ghetrouwer lude heren Gherijts^e here van Vorne, burchgrave van Zeelant^f, heren Aernt van Bollant, heren Florens van Haemsteden, heren Danels vander Merweden^g, meester Heinric^h van Gheldenake ende heren Willems van Duvenvorde hebben ghegheven Janne Persijn, heren Niclais Persijnsⁱ zoen, houder van deser letteren, dat goed ghelike ende al van ons te houden te liene dat sijn vader van onsen ouders te liene helt, in aldusdanigher manieren dat waer dat sake dat hi storve sonder erfzoene, dat dat goedt vornoemt soude comen up sijnre outster waerliker dochter die wittelic kint ware, om menighen trouwen dienst die sijn vader ons ende onsen ouderen ghedaen heeft ende oec in onsen dienst doet ghebleven is; ende waer oec dat sake dat Jan Persijn, heren Niclais zoen Persijns vornoemt, ghebrake sonder erfkint wittelic, waert sone ofte dochter, soe soude dat dicke vornoemde goed comen up Janne Persijn, sinen ome, diet met hem ontfenc van ons met samenderhant.

Ende omme dat dese ghifte vorscreven stade ende vaste blive van ons ende van onsen nacomelingen, ende in verhoghenissen, hebben wi dese letteren bezeghelt met onsen zeghele. Ghegheven tote Sinte Gerdenberghe^j up sinte Jacobs avond int jaer ons Heren M CCC^o een ende dertich.