Registers van de Hollandse grafelijkheid 1299-1345

Graaf Willem IV schenkt Hendrik van Zuden het huis en nader omschreven erf in vrij eigendom dat eerder Nicolaas Nellenz. toebehoorde.

Willem grave van Heynnegouwen^b etc. maken cond allen luden dat wi Heynric^c van Zuden ghegheven hebben^d ende gheven met desen brieve ten vryen eyghen dat huys ende erve dat ons ane ghecomen es van Clays Nellen zone met rechte ende met vonnisse, ende heren Gherard^e van Emskercke^f, onsen bailiu ende rentemeester van Aemsterlant^g ende van Waterlant^h, ane hem ghelost hevet van onser weghen, ende gheleghen es an die noirtside ane Jan Niederwertsⁱ erve ende an die zuutside ane Alijt Gherard^j Dircs^k soens ende hoere kinder erve; ende ombieden onsen bailiu van Aemsterlant^l die nu es of namaels wesen zal dat hi Heynric^m voirs. ⁿ houden in den voirs. huyse ende erve, ende anders niemand ghen recht dair of en doen.

In orconde etc. Ghegheven in den Haghe up sinte Catrinen^o dach anno XXXIX^o.