Registers van de Hollandse grafelijkheid 1299-1345

Graaf Willem IV doet uitspraak in een geschil tussen de poort Amsterdam en de inwoners van Sloten betreffende de betaling van nader omschreven lasten die drukken op grond die Amsterdammers binnen het ambacht Sloten bezitten.

Willem grave van Heynnegouwen^a etc. maken cond allen luden dat dit onse zegghen es tuschen onser poirte van Aemstelredamme ende die van Sloten alse van den twye die si onderlinghe hadden alse van den erve dat die van Aemstelredamme legghende hebben int ambocht^b van Sloten, dat die van Aemstelredamme ghelden zullen van allen lande dat si hebben binnen Sloten jof vercrighen zullen: dijc, dam, wech, wetringhe ende sluys ghelt, gheliken anderen lande in Sloten, in alre manieren alst hair toe comen es; vord sullen si ghelden met horen lande gheliken dien van Sloten onse rechte jairscot, bottinghe ende onse rechte herevaird. Ende hier mede zegghen wijse sceyden, zonder archlijst.

In orconde etc. Ghegheven des donresdaghes na sinte Andries dach anno XXXIX^o.