Registers van de Hollandse grafelijkheid 1299-1345

Jan van Henegouwen, heer van Beaumont, stadhouder voor graaf Willem IV, bevrijdt, voor een bedrag van 22 pond Hollands, Hanne Ludolfsz. en diens echtgenote Haze van de keurmede, tenzij zij zich opnieuw in onvrijheid begeven; de regeling kwam tot stand door tussenkomst van enkele met name genoemde (leden van de Raad).

Wi Jan van Heynnegouwen^b, here van Byaumond, stedehoudende ons liefs heren ende neven sgraven van Heynnegouwen^c ende van Hollant, maken cond etc. dat wi van ons heren ende neven weghen voirs. bi den here van Egmonde, heren Dirc van Brederode^d, heren Symon van Theylinghe^e, heren Dirc van Mattenesse, heren Florens^f van der Boechorst, ridderen, ende Gherard^g Alewijns sone hebben laten verdinghen Hanne Ludolfs soen ende Hasen zijn wijf van hore coermiede die si onsen neve voirs. sculdich waren, omme XXII lb. Hollants^h, dair si heren Florensⁱ van der Boechorst, den bailiu ende rentemeester van Aemsterlant^j ende van Waterlant^k, ghenoech of ghedaen hebben tot ons neven behoef voirscreven; ende sceldense van ons heren ende neven weghen voirs. van dier coermiede vry ende quite, ten ware dat si hem namaels verdieden.

In orconde etc. Ghegheven des donresdaghes na sinte Victoirs dach anno XLIII^o.