Registers van de Hollandse grafelijkheid 1299-1345

Graaf Willem IV geeft aan Mense van den Kamp twee nader omschreven percelen land in Oost-Holland in erfpacht, tegen een pachtsom van 28 respectievelijk 29 penning Hollands per morgen, met de bepaling dat op elk perceel een huis zal staan dat bewoond wordt door Mense of een ander.

Vgl. nr. WI 493.

Willem grave van Heynnegouwen^c etc. maken cond etc. dat wi bi heren Florens^d van der Boechorst, onsen bailiu ende rentemeester van Aemsterlant^e ende van Waterlant^f, verpacht hebben in enen erfpachte Mensen van den Campe onse lant in Oesthollant^g, gheleghen neffens der ghemeente land van Bairne, van der noertside up te gaen van Jan Willems Beken lant VIII roeden breet, die morghen bi der mate om XXVIII d. Hollants^h, ende dair an voert noch VIII roeden breet, die morghen bi der mate om XXIX d. Hollantsⁱ, in deser voirwairden dat Mense voirs. staende sel houden up elke VIII roeden breet voirs. een huys dair hi in wonachtich wesen zel of zijn ghewairde bouman, ende voert in alle diere manieren, in allen dien rechte ende vriheden dat wi onse lant van Oesthollant^j ghemeenliken voirmaels uut ghegheven hebben.

In orconde etc. Ghegheven in den Haghe tsondaghes na sinte Bartelmeus^k dach anno XLV^o.