Registers van de Hollandse grafelijkheid 1299-1345

Graaf Willem IV bevestigt de verkoop door Floris van Alkemade, toentertijd rentmeester van Kennemerland en West-Friesland, met toestemming van de Raad te Hillegom, van alle windmolens, het maalrecht en het windrecht te Niedorperambacht aan de gemene buren aldaar, en bepaalt dat niemand anders dan zij daar een molen mogen bouwen.

Willem ..grave van Heynnegouwen^b etc. maken cond etc. dat Florens van Alkemade, in dien tyden onse rentemeester van Kenemerland^c ende van Vriesland, bi goedenken der goeder lude van onsen Rade te Hillinghem^d vercoft hevet den ghemeenen buren van al Niedorper ambocht alle onse wintmolen, dat malen, den wint ende den grint ende alle nutscap van malen van al Niedorperambocht^e, eewelike te bliven ende vrylike te bruken sonder yemands weder segghen, ende dair en zal niemand molen in setten dan si selve, omme II^C lb. Hollands^f, daer si Heyne Roeden, onsen rentemeester van Kenemerland^g ende van Vrisland^h, of voldaen hebben tot onser behouf; ende gheloven hem ende hueren nacomelinghen vor ons ende vor onse nacomelinghe dese vorwarde vorscreven vast ende ghestade te houden.

In orkonde etc. Ghegheven in den Haghe des donresdaghes na Paesdach int jaer XLIIII^o.