Pieter Mante, Wolfert Folkersz. en Zoeneman Zoenemansz. uit Staveren, die op last van graaf (Willem IV) te Haarlem in gijzeling liggen in verband met de zoen in hun twist met de Bisschopspartij, verklaren van de graaf toestemming te hebben gekregen om van daar te vertrekken en beloven op diens aanmaning weer te zullen terugkeren; Alkemant en Jan van Zuderen stellen zich daarvoor garant.
Gijselscip enige uut Staverena.
Een streep door het begin van de tekst.
Vgl. het volgende nr. WI 527.
Wi Pieter Mante, Wolfard Volkarts sone ende Zoeneman Zoenemans sone uut Staverenb, zoen ghiselen ons liefs heren sgraven van Heynnegouwenc ende van Hollandd, die te ghisel legghen binnen Hairlem alze van der zoene van den parlemente tuschen der Bisscipinger partie ende ons in Staverene, om dat onse lieve here die ..grave ons orlof ghegheven heeft tot deser tijt uuter ghiselscip te varen tot sinen vermanen toe mid sinen brieve, so hebben wi gheloeft ende loven bi onser trouwen ende bi onser zekerheden weder binnen Hairlemf te ghizel te comen zo wilc tijt dats onse lieve here die ..grave vors. vermaend of mid sinen brieven onbiet, daer ghisel te bliven in allen manieren dat wi daer nu ghisel sijn, ende niet van danen te sceyden ten sie bi sinen orlove.
Ende om die meere zekerheden zo hebben wi Alkemant ende Jan van Zudereng gheloeft bi onser trouwen ende bi onser zekerheden dat wi dese ghisel vorscreven alse goet hebben dat sullen dat si tot ons liefs heren vermanen in comen sullen te Herlem ende daer ghisel te bliven in allen manieren vors.
In orkonde etc. Ghegheven tsonnendaghes vor sinte Berthelmeush dach int jaer XLIIIIo.