Graaf Willem IV gelast de schepenen van de stad Staveren recht te spreken inzake de doodslag op Hidde Alkemantsz. en in andere twisten, en beveelt de gemeente op straffe van verbeurte van lijf en goed de schepenen daarin behulpzaam te zijn, waarbij hij aankondigt dat hij geweld jegens de schepenen wanneer zij hun rechterlijke functie uitoefenen streng zal straffen.
Bevelinge der stat scepenen van Staverena.
Een streep door het begin van de tekst.
Vgl. nr. WI 523.
Willem grave van Heynnegouwenb etc. maken cond allen luden. Want wi bevolen hebben ende bevelen onsen lieven ende ghetrouwen scepene van onser stat van Staveren die nu ter tijt scepen aldair binnen der stat zijn, dat si recht doen binnen onser stat van Staveren na den rechte van der stede ende den hantvesten die si van onsen ouders of van ons hebben, als van Hidden Alkemants soens doet ende van al dat dair of roerende es, ende oec van allen anderen parlamente die binnen der stat voirs. ghesciet zijn tote desen daghe toe; ende ombieden ende ghebieden alle onser ghementen van onser stat voirs., ende elken bisonder, dat si onsen scepenen voirs. dair in te hulpe comen, welken tijden dat si dair of van onsen scepenen voirs. of van den meesten hoep van hemluden vermaent worden, up hoir lijf ende up hoir ghoet dies niet en dede. Voerd ware dat sake dat yemand namaels, wie dattet ware, die onse scepene voirs. of enighe van hem luden omme dies rechts wille yet misdede ane live ofte ane ghoede, dat zouden wi ane hem houden, ane sijn lijf ende ane sijn ghoet, als ane den ghenen die onse stat bederven wouden ende onse herlichede vercranken.
In orconde etc. Ghegheven in den Haghe up sinte Katrinen dach annoc XLIIo.
Per dominum, presente dominod W. de Duvoirde.
e S(igillavit) Th. de Mathenessef.