Graaf Willem III gelast Mathijs Rengersz., baljuw van Zuidholland, beslag te leggen op de goederen waarvoor hij overborg was geweest in verband met het afgesproken huwelijk van Rover Zwedersz. van Montfoort met de dochter van heer Gijsbrecht van IJsselstein, welk huwelijk door Rovers weigering geen doorgang had gevonden.
Zweder van Montfoirde.
Wi Willaem grave etc. an Mathijs Reyngers sone onsen bailiu van Zuythollanda, saluyd. Want een huwelijc besproken was ende over een ghedraghen tusken Rovere van Montfoirde Zueders sone ende sheren Ghisebrechtsb dochter van IJscelsteyne, dair mede voirt te ghaene int huwelijc voirseyd op ene pene dair wi een over borghe of sien, alse die brieve spreken die die partien dair of van ons beseghelt hebben, wair omme wi u narenstelike ombieden om dat Sueder niet int huwelijc voirt varen en wille ende omme dat ons die here van IJselsteyne so narenstelike ghemaend hevet sine vorwairden te houdene, dat ghi van onsen weghen vairt ende u hand slaet an alsulken goede alser op gheset es ende wi een overborghe of sien, als hi u met onsen brieve betoghen sal, ende u also beset, wair bi ghi soe seker siet van den goede dat wire quite of wesen moghen tyeghens hem ende onse beloefte houden; ende des niet en lait.
Ghegheven in die Haghe des woensdaghes na sinte Pieters daghe inghaende oechste int jaer ons Heren M CCCo twee ende twintich.