Registers van de Hollandse grafelijkheid 1299-1345

Graaf Willem III verklaart dat Tielman Batenburg van Oudewater ten overstaan van hem diens woning met erf en bijbehorende visserij in vrij eigendom heeft geschonken aan heer Jacob bisschop van Zuden, welke laatste het goed aan Tielman in leen heeft gegeven zolang die leeft.

Wi Willaem^b ..grave etc. maken cond etc. dat Tieleman Batenburch van Oudewater quam voir^c ons ende droech op in vrien eyghen onsen lieven ende ghetrouwen heren Jacob bisscop van Zuden zine woninghe die hi ligghende hevet binnen onser porte van Oudewater mid erve ende mid vischerien, also groet alse Tiemdeman^d voirs. dair ligghende hevet, ende beleghen hevet an die nortside Dieric Rapueys ende an die zuutside Pieter Cerepeirvinc^e; wilke woninghe voirs. hair Jacob bisscop van Zuden voirscreven verliede Tiedeman Batenburch toit sinen live, ende na siere doyt weder te comen op den bisscop van Zuden ende op sinte Jans huse tOudewater, der oerden van sinte Jans erfliken te bliven.

In orconde hier of soe hebben wi desen brief bezeghelt met onsen zeghele. Ghegheven in die Haghe des dinxendaghes na sinte Jans dach uytgaende oichste int jair ons Heren M^o CCC^o vijf ende twintich.