Registers van de Hollandse grafelijkheid 1299-1345

Graaf Willem III geeft Klaas Hayenz. toestemming tot verkoop in vrij eigendom van grafelijk leengoed te Waarder.

Wi Willaem^a ..grave etc. maken cond allen luden dat wi Clays Hayen sone oirlof gheven met desen brieve in vryen eyghen te vercoepen enen viertel lands ligghende te Warder int land van Wourden, binnen desen marken: dat gods huys van Warder an die nortside, Jacob Agathen sone an die zuytside, die Grone^b wech dat oestende ende die Oude wateringhe dat westende, dat hi van ons te liene te houden plach; ende gheven den ghenen die dit land coept enen vryen eyghendom dair of mit desen brieve, ende gheloven hem dat land te wairne als men een vry eyghen land sculdich es te wairne.

In orconde etc. Ghegheven in die Haghe des anders daghes na den Ascentien dach int jair ons Heren M^o CCC^o ende dortich.

Hierof sal Inghebrecht^c onse rentemeister hebben toit onser behoef den dorden penninc.