Registers van de Hollandse grafelijkheid 1299-1345

Graaf Willem III verkoopt aan Hugo Nicolaasz. van der Horst, bastaard, vier morgen land in het ambacht Bodegraven in vrij eigendom.

Wi Willaem^a ..grave etc. maken cond allen luden dat wi bi Enghebrecht^b van Voirscoten onsen rentemeister vercoft hebben Hughen Nyclais sone van der Horst, bastard, vier morghen lands lettel meer jof min ligghende int ambocht van Bodegrave, die hier voirmaels ons anequamen van Pieter Snoecs doyt, ende hevet beleghen an die oestzide Hughe Philips sone ende an die westside Meeus van der Mye, ende strecket uten Rine op an die Mye, wilc land voirs. Hughe voirscreven coept over sijn vry eyghen alte male omme twie ende dortich pond Hollands^c, dair hi onsen rentemeister voirnoemt ghenoch of ghedaen hevet tonser behoef, ende gheven hem hier of enen vryen eyghendom ende lovent hem te waren als men een eyghen goed sculdich es te waren.

In orconde etc. Ghegheven in den Haghe op den meye avonde int jair ons Heren M^o CCC^o drie ende dortich.