Registers van de Hollandse grafelijkheid 1299-1345

Graaf Willem III gelast Witte Willemsz., poorter van Zierikzee, en de Loper van Brijdorp om samen met heer Simon van Markenburg de grens vast te stellen tussen de heerlijkheden van Putten en Strijen enerzijds en die van Zevenbergen anderzijds.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem^a grave van Henegouwen^b, van Holland^c, van Zeland ende here van Vriesland^d maken cond allen luden dat wi Witten Willaems sone, onsen portere van Zerixee^e ende den lopere van Bridorp, bevolen hebben ende bevelen ende macht gheven van onsen weghen een recht pael te stekene tuischen der heerscepien van Putten ende van Striene op die ene zide ende der heerscepie van Zevenbaerghe^f op di ander zide, alse van rechter land sceydinghe te zettene tvischen den heerscepien voers., bi rade van heren Symoene^g van Markenborch^h ende anders goede luden die sire met hem luden over nemen sullen; ende so wat dat si daer toe doen, dat sullen wi houden vaste, zeker ende ghestade. Ende waere iemende die hier namaels daer jeghens segghen woude, ⁱ commen voer ons ende wi sullen hem al recht ende al besceyt doen.

In orkonde etc. Ghegheven te Zerixee^j des woensdaghes voer Grote^k vastellavont int jaer ons Heren M CCC ende zestiene^l.