Registers van de Hollandse grafelijkheid 1299-1345

Graaf Willem III gelast zijn leenmannen in Zeeland dat degenen die hun heergewaad nog niet betaald hebben aan broeder Arnoud van Diese ten behoeve van de Duitse Orde dit onmiddellijk doen; zo niet, dan moet de rentmeester van Zeeland de goederen van de wanbetalers in beslag nemen totdat het verschuldigde heergewaad geheel voldaan is.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem grave van Henegouwen^a etc. allen onsen ghetrouwen mannen^b van Zeelland^c, saluyt^d met goeder jonste. Wi ombieden ju allen den ghenen die van haren goede dat si van ons houden hare herewade noch scoudich sien ende niet^e betaelt en hebben broeder Arnoude van Diese^f tote Dietscher heren behoef, dat si sonder langhe vertrecken die op rechten ende betalen broeder Arnoude voers. jof den ghenen diese van der Duetscher^g heren weghen innet, also goed als hi op betoghen mach ende si tote deser tijd toe hebben op ghebuert. Ende waer yemant die sine herewade niet betalen en wilde, soe hebben wi bevolen ende bevelen met desen brieve onsen rentemeyster van Zeelland^h dat hi van onsen weghen anevaerde ende hand aneslae an dat goet, est ambocht jof anders lien, daer hem die herewade of ghebreketⁱ, ende des ghebruke ende besitte tote onser behoef toter tijd toe dat si hare herewade daer of vol ende al betaelt hebben.

In orkonde etc. Ghegheven in Middelburch^j des vridaghes na Midvasten int jaer ons Heren M CCC ende XX.