Registers van de Hollandse grafelijkheid 1299-1345

Graaf Willem III neemt het begijnhof van Zierikzee op in zijn bescherming en verleent het voorrechten betreffende de verkoop van woningen op het hof, de verwijdering van ongeschikte inwoonsters en de behandeling van arme, oude en zieke; voorts zullen de begijnen aan hem, de gravin of zijn herberg bij hun aanwezigheid in Zierikzee twaalf of meer bedden met beddegoed leveren, of anders zijn eigen bedden bewaren.

Vgl. nr. ZE 279.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem grave van Heynnegouwen^{d e} etc. maken cond allen luden dat wi dat ^f beghijnhof in onser poirte van Zeerixee^g ende die joncfrouwen dier ^h in wonen jof hier naⁱ in wonen zullen ghenomen hebben ende nemen in onse seker bescermte, ende gheven hem machte dat si bi haren prochipape ende bi den uytmeesters die wi^j hem jaerlijx setten zullen ende bi den meystersen die wi hem jaerlijx^k setten zullen^l jof doen setten, huse ende cameren die in den hove ledich sien jof ^m ledich sullen worden te vercoepene reckeliken vrouwen ende joncfrouwen, sien si van binnen der poirte of van buten, dair in tesetten met der wone, in zulker manieren als si hier voirmaels ghedaen hebbenⁿ; ende sulc gheld als dair of comet willen wi datmen besighe^o in des hoefs oirbair. Voirt wair enich persoen in den hove die hoir niet reckelijc en regeerde ende men proeven conde datter thof onruste jof midenesse^p of ^q hadde jof hebben mochte, zo gheven wi macht desen luden voirs. ende willen dat si dien persoene uten hove doen, sonder vertrecken. Voirt en willen wi niet datmen yemand ontfanghe in die fermerie, sine ware uten hove ende so arme ende^r so oud ende so cranke dat si hair zelven niet bedraghen noch ghehelpen en mochte.

Ende omme dat wi dit vaste ende ghestade hebben willen^s ghehouden ende wire onse brieve op ghegheven hebben, so hebben wi die meestersen ende dat ghemene convent van den beghinen hove voirs. ons toe gheseyd dat si ons, onser gheselinnen der gravinnen jof onsen ghesinne, als wi jof si tote Zeerixee^t sijn, leveren ende lienen^u zullen alse langhe als wi jof si tote Zeerixee^v wesen zullen twaelf bedden ghestoffert met dekenen ende slaeplakene, jof met meer es^w dat sijt vermoeghen; ende wair dat sake dat wi selve bedden, dekenen ende slaeplakenen coepen of reden deden, die souden si ons verwaren ende hoeden ghelike hoirs^x zelves. Ende alsulke bedden, deken ende slaeplaken als si ons leveren^y ende lienen zullen, die zullen wi hem alsulc weder doen leveren alsmen van dane sceyden zal, ten ware dat si argheden van ouden.

In oirkonde desen brieve etc. Ghegheven tote Zeerixee^z des zatersdaghes voir sente Anghenieten dach int jaer ons Heren M CCC een ende twintich.