Registers van de Hollandse grafelijkheid 1299-1345

Graaf Willem III verpacht aan schepenen en burgemeesters van Zierikzee de watermolen ter plaatse met het bijborende molenland voor 10 pond Tournois per jaar, op voorwaarde dat bij zijn aanwezigheid of die van de gravin hun graan het eerst zal worden gemalen tegen een vastgestelde prijs, en voorts geeft hij hun het weiderecht van het schor tussen Adelsoord en Mosselee, op voorwaarde dat bij voldoende aanwas hij zelf het ter bedijking zal uitgeven; de schepenen en burgemeesters bezegelen de oorkonde mee met het stadszegel.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem grave van Heynnegouwen^{a b} etc. maken cond allen luden dat wi onsen lieven ende ghetrouwen scepenen ende^c borghermeysters van onser poirte van Zeerixee^d tote onser ghemeenre poirten behoef voirs. verpacht hebben in enen eweliken pachte onse watermolen tote Zeerixee^e metten water molen lande ende met scade ende met vroeme^f dier nu toe behoirt, ende dat^g te berghen ende te dalen horen vryen wille mede tedoene tot hore oirbair, omme X^h lb. groter coninx Tornoisⁱ tsyaers vries ghelts^j, te^k betailen alle jare die ene helfte te Bamisse^l ende die ander helfte te Payschen; ende dese pachte zal in ghaen nu te Paischen naist comende^m. Ende si sullen ons ende onsen ghesinnen ende onser ghesellinne der gravinnen ende hoir ghesinnen, so wilc tijd dat wi of si toit Zeerixeeⁿ sien, malen doen onse coren dat tote der herberghen behoeven zal voir alle dinc, so wilc tijd dat wijs te doene hebben, dat zeve omme vier penninghe payements van Zeerixee^o. Voirt so hebben wi hem te handen ghelaten onse score tusken Adels oirt^p ende Mosselee ter^q poirt oirbair ende des ambocht van Quaelambocht^r, ende die vroeme^s van der etinghe^t der poirt^u op te heffene. Mair wairt dat die score voirs. mersede^v alse datmense diken mochte tote coren lande tote onser oirbair, der poirten ende des ghemens^w ambochts voirs., so mochten wise uyt gheven te diken ten scoensten tote onser behoef, ende dien oirbair op boren also langhe als si bedijct waren; ende so wat dat ombedijct blivet, ende also langhe alst^x onbedijct blivet^y, ende so wanneer dat^z ombedijc^a' ware, zo zal die poirte voirs. den oirbair dair^b' of op heffen alse voirscreven^c' es.

In kennesse hier of ende omme dat wi willen dat dit vaste ende ghestade blive, hebben wi desen brief doen bezeghelen mit onsen zeghele. Ende wi scepenen ende borghermeesters van Zerixee^d' voirscreven, omme dat wi desen pacht alst voirscreven es an ghenomen hebben ende gheloeft hebben van der meenre^e' poirt weghen te betailen onsen here den grave of sinen bode jaerlix tote elken terminen alse voirscreven es, so hebben wi desen brief open mit onsen here den grave bezeghelt mit onser ghemeenre poirte zeghel. Ghegheven toit Zeerixee^f' des zatersdaghes na sente Ponsekiaens dach int jaer ons Heren M CCC een ende twintich.