Registers van de Hollandse grafelijkheid 1299-1345

Graaf Willem III schenkt Jan Reimaarsz. genaamd de Dobbelaar voor de duur van diens leven 8 gemet land tussen Biggekerke en Koudekerke.

De onderstaande tekst is gebaseerd op afschrift B.

Wi Willaem grave van Heynnegouwen^{a b} etc. maken cond allen luden dat wi Jan Reynmars^c sone diemen hiet die Dobbelair^d omme dienst willen die sijn ouders ende hi ons dicke ghedaen hebben ende hi ons noch doen zal, ^e ghegheven hebben ende gheven alsulc land als ons ane ghecomen es van Heynric^f den Lobbair^g ende groet es jeghens acht ghemete lands, luttel meer of mijn, die gheleghen es in Walgheren^h tuschen Bigghenkercⁱ ende Coudekerc^j, wilc land voirs. hi houden zal ende ghebruken also langhe als hi levet; ende na siere doet ^k salt vriliken weder an ons comen.

In oirkonde ^l etc. Ghegheven in die Haghe des vridaghes^m na Beloken Paischen int jaer ons Heren M CCC twie ende twintich.