Registers van de Hollandse grafelijkheid 1299-1345

Graaf Willem III belooft Nicolaas Gielemansz. uit Duiveland, die land ter grootte van 32 tot 36 gemet in het Nieuwe ambacht van Duiveland had gekocht van Pieter Antonisz. van den Vliet, welk land eerder had gediend als lijftocht van Pieters echtgenote jonkvrouw Geertruid, nicht van de graaf, die nu evenwel elders gelijftocht was, en uit welk land de graaf 12 pond trekt in mindering op de schuld van Pieter jegens hem, te zullen vrijwaren van alle aanspraken die op dat land mochten vallen van de kant van jonkvrouw Geertruid.

Vgl. het volgende nr. ZE 157.

De onderstaande tekst is gebaseerd op afschrift B.

Wi Willaem grave van Heynnegouwen^{a b} etc. maken cond etc. dat voer ons quam Pieter Tonis^c sone van den Vliete, ende verliede dat hi vercoft hevet Clayse Gielmans^d sone ute Duveland al sijn land dat hi legghende hevet int Niewe ambocht van Duveland ende groet es tuysken den twe ende dertich ghemete ende zes ende dertich ghemete ter goeder mate, elc ghemet omme twaelf scellinghe groeter Tournoyse^e, daer Pieter een deel of ontfanghen hevet ter goeder^f rekeninghe; ende omme dat Pieter voirs. dit voernoemde land joncfrou Ghertruden^g sinen wive, onser nichten, ghemaect hadde te hare lijftochte ende hi hoir anders waert bi ons bewiset hevet die voirseyde lijftochte, ende wi twaelf pond groete jof meer na dien dat die mate belopet hebben sullen van desen lande voerscreven in minderinghe van der scoud die ons Pieter voirnoemd sculdich es, so hebben wi Clayse voirs. gheloft ende gheloven dit voers. land te waerne ende te vrien van allen commer diere van joncfrou Ghertrude^h weghen onser nichten op comen mochte.

In oerkonde ⁱ etc. Ghegheven in die Haghe op sente Pieters dach inghaende^j oiste int jaer ons Heren M CCC twe ende twintich.