Registers van de Hollandse grafelijkheid 1299-1345

Graaf Willem III kent Arnoud Schalkaard, poorter van Gent, die hem al zijn schulden heeft kwijtgescholden, voor de duur van diens leven een jaarrente toe van 50 pond Tournois, uit te keren door de abt van Middelburg uit de jaarlijkse betaling door de poort van Middelburg voor de watermolen aldaar.

Vgl. de volgende oorkonde nr. ZE 163.

De onderstaande tekst is gebaseerd op afschrift B.

Wi Willaem grave ^a etc. maken cond etc. Want Arnoud Scalkart^b, poirter van Ghent^c, voer hem selven, sinen arfnamen ende nacomelinghen ons ende onsen^d nacomelinghen quite ghescouden hevet van alre scout die wi jof onse ouders hem sculdich waren ende van allen eysche die hi ons daer of eyschen mochte tote op den dach toe van huden, so hebben wi hem ghegheven ende gheven^e te sinen live vijftich pond Tornoyse^f sjaers, ende bewisen die onsen lieven ende ghetrouwen den abt van Middelburch^g jaerlix intenemen van onser poirte van Middelburch^h, die si ons jaerlix sculdich sien van onse watermolen, ende hise voirt Arnoudⁱ Scalcart^j gheve also langhe als hi levet; ende na Arnouds doit voernoemd zo sullen dese vijftich pond Tornoyse^k voers. vriliken weder an ons^l comen, onsen vrien wille mede te doene. Ende hier bi sal ons Arnoud voirs. op leveren alle die brieve van scoude die hi hevet op onse ouders ende op ons alse voers. es. Ende ombieden u narensteliken ende bevelen onsen lieven ende ghetrouwen den scepenen ende den borghermeysters van onser poirte van Middelburch dat si die vijftich pond Tornoyse^m die si ons jaerlix sculdich sien van onser watermolen voers. alle jare betailen onsen lieven ende ghetrouwen den abt van Middelburch tote Arnoud Scalcartsⁿ behoef, also langhe als Arnoud levet, ende wi sullen hem daer of ghewart ende quite houden.

In orkonde ^o etc. Ghegheven Tordrecht^p des vridaghes na sente Bartelmeus^q dach int jaer ons Heren M^o CCC^o twe ende twintich.