Registers van de Hollandse grafelijkheid 1299-1345

Arnoud Schalkaard, poorter van Gent, scheldt graaf (Willem III) van Henegouwen en Holland alle schulden kwijt die deze en diens voorouders jegens hem hebben, en belooft de schuldbrieven die hij bezit over te geven; de oorkonde wordt meebezegeld door Nicolaas abt van Middelburg.

Allen den ghenen die desen brief sullen zien jof horen lesen, ic Arnoud Scalcart^b, poirter van Ghent, saluyd ende kennesse der waerheyt. Ic make cond ende kenlic allen luden dat ic voer mi ende^c voer mine arfnamen ende nacomelinghe quite ghescouden hebbe ende quite scelde enen hoghen moghenden man mijn here den grave van Heynnegouwen^d ende van Holland^e ende sine nacomelinghe van alre scout die sine ouders ende hi selve sculdich sien jof sculdich mochten wesen tote op den dach toe van huden, ende gheloven hem in goeden trouwen op te leveren alle die brieve die ic hebbe op sine ouders ende op hem.

In orkonde desen brieve bezeghelt mit minen seghel. Ende bidde enen religiousen^f ende ersamen^g man den abt van Middelburch dat hi in kennessen mit mi desen brief bezeghelen wille. Ende ic Nyclaes^h, bi der gracie van Gode abt van Middelburch, hebbe bi bede ende versoeke van Arnoude Scalcardeⁱ voirs. desen brief van quitantien mit hem bezeghelt mit onsen seghele in kennesse der dinc voerscreven.

Ghegheven ende ghedaen int jaer ons Heren M^o CCC^o XXII^o des vridaghes na sente Bartelmeus^j dach.