Registers van de Hollandse grafelijkheid 1299-1345

Jan van den Waarde van Biggekerke belooft graaf Willem III dat hij hem zal betalen wat hij zal vragen en wanneer hij daartoe maant, omdat deze hem het eigendom heeft gegeven van 23 gemet land op Walcheren alsmede de toestemming dat eigendom te verkopen, welk land de graaf eerder aan Jans echtgenote jonkvrouw Polexina had geschonken.

De onderstaande tekst is gebaseerd op afschrift B.

Allen den ghenen die desen brief zullen sien jof horen lesen^a, ic Jan van den Warde^b van Bigghenkerke, saluyd ende kennesse der waerheyt. Ic make cond ende kenlic allen luden dat om des willen dat mi mijn lieve ende gherechte here haer Willaem grave van Heynnegouwen^c, van Holland, van Zeelland^d ende here van Vriesland^e ghegheven hevet den eyghendoem van den drien ende twintich ghemete lands lettel min jof meer die gheleghen sien in Walgheren^f die mijn here die grave voirs. ghegheven hadde joncfrou Polexina minen wive tote horen live, ende orlof ghegheven hevet te vercopen den eyghendoem van den lande voers. wien dat ic wille, ende dat hi dat vaste ende ghestade houden sal, so hebbe ic ghelovet ende ghelove in goeden trouwen minen lieven here den grave voirs. daer of tote sinen wille^g te wesen ende hem also vele te gheven ende te betailen als hi selve segghen sal, zo wanneer dat hijs mi vermanen sal, sonder archlist.

Ende hier in verbinde ic mi ghelike joft voer die manne van Zeeland^h waer, ende hebbe in kennessen der dinc desen brief open beseghelt mit minen seghel. Ghedaenⁱ te Berghen^j in Heynnegouwen^k des manendaghes na sente Denijs^l dach int jaer ons Heren M^o CCC^o twe ende twintich.