Registers van de Hollandse grafelijkheid 1299-1345

Graaf Willem III belooft de monniken van Krabbendijke niet aansprakelijk te zullen houden voor de 22 pond groten Tournois die zij wijlen zijn bakker Simon schuldig waren, welke som zij aan rentmeester Frederik hadden betaald, hoewel de kwitantie die zij daartoe van deze hadden ontvangen door mannen van de graaf was verscheurd.

De onderstaande tekst is gebaseerd op afschrift B.

Wi Willaem^b grave ^c etc. maken cond allen luden dat die monike van Crabbendijc^d ons ghelevert hebben Vrederix open brief, ons rentemesters van Zeeland^e, die onse lude ghescoert^f hebben, daer hi bi ontfanghen hadde^g van onsen weghen van den moniken voerscreven twe ende twintich pond groeter coninx Tornoyse^h die die monike voirs. sculdich bleven Symon onsen backer doe hi doet blef, ende daer onse rentemester voirs. hem mede verliede dat hi tyeghens dieⁱ monike mede gheeffent hadde van allen stucken die si ghemeens hadden tote op den Kers avond^j int jaer ons Heren M CCC ende neghentiene; van wilken ghelde voerscreven wi gheloven den moniken voerscreven scadeloes te houden mit desen brieve, bezeghelt mit onsen seghel.

Ghegheven in Middelburch^k des woensdaghes na Paesdaghe in jaer ons Heren M CCC drie ende twintich.