Registers van de Hollandse grafelijkheid 1299-1345

Graaf Willem III verkoopt aan Jacob Domaasz. poorter van Middelburg de 9 gemet land in Koudekerke en Biggekerke die hij eerder aan Dobbelaar Reimaarsz. had geschonken, waarvoor hij de laatste 5 pond groten geeft, zijnde een deel van de koopsom.

De onderstaande tekst is gebaseerd op afschrift B.

Wi Willaem^a grave van Heynnegouwen^{b c} etc. maken cond allen luden dat wi vercoft hebben Jacob Domaes^d sone, poirter in Middelburch^e, neghen mete^f land die Heynrix Lombairts^g soens waren lettel min jofte meer ter goeder mate, legghende in Coudekerke ende in Bigghenkerke^h, elc ghemet omme neghentienⁱ scellinghe groeter coninx Tornoyse^j, welc land wi Dobbelaer Reymairs^k sone tote sinen live ghegheven hadden; ende over dit land hebben wi den voirs. Dobbelair^{l m} ghegheven vijf pond groete die Jacob voirs. van den voers. lande betailde, ende dat daer boven blef daer of hevet die voers. Jacob onsen rentemester van Zeelandⁿ van onsen weghen ghenoch^o ghedaen. Ende dit voers. land gheloven wi hem te waerne also alst ons ane ghecomen ende bestorven was, ende den ghenen die houder es van desen brieve; sonder archlist.

In orkonde ^p etc. Ghegheven int jaer ons Heren M CCC^o drie ende twintich des dinxendaghes in die Paesch daghe.