Registers van de Hollandse grafelijkheid 1299-1345

Graaf Willem III schenkt de inwoners van Reimerswaal tolvrijdom voor hun eigen goederen in alle tollen van zijn land.

Wi Willaem^c grave^d van Henegouwen^e etc. maken cond allen luden dat wi onzer ghemene stede van Reymerswale^f omme die goide jonste die wier toe hebben, ende ghaerne zaghen dat si verbeterde van coemans ende van anders goiden luden, hebben te gratien^g ghedaen ende gheoerloevet dat alle die ghene die^h woenachtich sien jof comen sullen metter woene binnen onzer stede van Reymerswaleⁱ voerseit met haer selves eygheliken goede vri varen zullen voer bi allen onzen tolnen van onzen lande, sonder eneghe tollen daer of te gheven; sonder achghelist. Ende dit zal gheduren tonzen wedersegghen.

In orkonde dezen brief bezeghelt^j etc. Ghegheven in Middelburch^k sabbato post Luce anno XXIII^o.