Registers van de Hollandse grafelijkheid 1299-1345

Graaf Willem III geeft Willem Simonsz. en Lem Lauwardsz., poorters van Middelburg, die tot hun schade een tijd lang gevangen zijn gehouden door die van Roermond, toestemming om die schade op hen te verhalen, althans wanneer er tussen die van Roermond en de graaf en zijn onderzaten geen vrede is.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi ..Willaem^a grave van Heynegouwen^b etc. maken cond etc. Want ons Willaem^c Symons sone ende Lem Lauwaerds^d sone, onse poirters in Middelburch^e, ghecroent hebben datse die^f van Rueremonde besetten deden te Wissem ende daer in vanghenesse houden dede langhe tijd, daer zi groten scade bi namen, wilken scade zi ghegroet hebben met horen eede voir scepene in Middelburch^g drie pond grote, ende want zi daer ghien besceyd of en hebben, zoe gheven wi hem oirlof soe wilke tijd dat buten vrede es tusken ons ende onsen luden van onsen lande ende dien van Rueremonde te panden op die van Rueremonde ende hore scade te verhalen tote drie pond groten toe ende horen cost dien zire omme doen zullen, alse groet alse onsen bailiu ende scepene in Middelburch^h redelic denken zal; ende soe wat goed zi panden dat zullen zi alsoe hele brenghen onder onsen bailiu ende scepene van Middelburchⁱ voirs., ende die zullen tgoed ten scoensten penninghen ^j ende hem daer of horen coste ende scade ghelden alse voirscreven es. Dit zal gheduren tonsen weder segghen.

Ghegheven in Middelburch^k des manendaghes voir Palmen sonnendach int jaer ons Heren M^o CCC^o drie ende twintich.