Registers van de Hollandse grafelijkheid 1299-1345

Graaf Willem III beleent Wisse de Loper van Brijdorpe met een hofstede met steenhuis en woning in het ambacht Looperskapelle, welke goederen deze hem daartoe in recht eigendom had opgedragen; voorts regelt hij de vererving van het leen.

Wi Willaem^a grave etc. maken cont allen luden^b. Want Wisse die Loeper van Bridorp ons up ghedraghen hevet ten rechten eyghen sijn steenhuys ende sine woninghe daer hi in wonet ende die hofstede daer die woninghe ende dat steenhuys up staen binnen der grachte, legghende int^c tambocht^d van sLopers capelle, soe hebben wi hem dit steenhuys ende hofstede ende woninghe vorseyt ghegheven in lene van ons te houden, in manieren dat nae siere doet comen zal up Boudwijn^e sinen sone; ende storve Boudwijn^f vor sinen ^g vader, zo soudet comen up Boudwijns^h outsten sone, ende liete Boudwijn vors. ghenen sone, het soude comen up sijn outste dochter, mar emmer sout comen up den jongheren sone vor der outster dochter. Waer oec ⁱ dat Boudwijn storve sonder kinder^j, zoe sout comen up Gheertruden^k sLopers dochter ende nae haer up hare kindere, est zone est dochter, ghelike Boudwijn; storve oec Gheertruyt^l sonder kinder^m, zoe zout comen up Margrieten sLopers dochter, ende nae hare doet up haer kinder als vorscreven es. Ende alst buten sLopersⁿ kins^o kinderen comet, zoe zelment van ons houden, bede steenhuys, hofstede ende woninghe vorscreven, voertmeer in rechten lene.

In orconde etc. Ghegheven in Middelburch^p up Alreheylighen dach in anno XXIIII^oq.