Registers van de Hollandse grafelijkheid 1299-1345

Graaf Willem III beleent Nicolaas van Gent, abt van Middelburg, met de tussen 35 en 36 gemet ambacht in Westkapelle en in het ambacht Domburg, volledig steenschietens (bedeplichtig), welk ambacht hem daartoe was opgedragen door Jan, Boudewijn en Raap kinderen van Wouter vrouw Wivenz.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willem grave etc. maken cont allen luden dat vor ons quam Jan, Boudwijn ende Rape, Wouter verWiven^b soens kindere, ende droghen ons op tuschen vijf ende dortich ende zes ende dortich ghemete ambochts lettel min jofte meer, legghende in Westcappelle^c ende in Domburch ambocht, daer des abts uythof van Middelburch^d dat men heet die Noertiende met enen deel lants dat ^e tote^f den uythove behoert in gheleghen es, tote des abts behoif vors., al te stene scietende, wilc ambocht vorscreven^g dat al te stene sciet wi hebben verleent onsen lieven ende ghetrouwen heren Nyclays^h van Ghent, bi ghenaden Goids abt van Middelburchⁱ, van ons in lene te houden met zulken dienste ^j daer of te^k done alse andre ambochte te stene scietende sculdich sijn te done, ende in zulker manieren ende met zulken verzoeke als die abt vorseyt van ons houdet sijn ander ambocht houdet^l, dats te verstane: zo waneer des abts vors. ghebreket, zo zal die ander abt die nae hem comt dit ambocht verzoeken met XX lb. Tornoyse^m van der heven te betalen alse vele alset belopen mach, in zulker manieren ende toteⁿ zulken termine als hi sijn ander ambocht sculdich es te verzoeken.

In orconde etc. Ghegheven in Middelburch^o des manendaghes nae sente Gertruden^p dach int jaer ^q XXIIII^o.