Registers van de Hollandse grafelijkheid 1299-1345

Graaf Willem III verzoekt de bisschop van Utrecht om de inkomsten, bestaande uit tienden en akkers, van de parochiekerk van Geersdijk, waarvan hij het patronaatsrecht bezit, in tweeën te delen en met de ene helft een nieuwe kanunniksplaats te stichten in de Sint Pieterskerk te Middelburg. Bisschop Jan III van Utrecht geeft gehoor aan dat verzoek tot deling en bepaalt dat de parochiekerk de gewone jaarlijkse pacht aan Sint Pieter zal blijven betalen, dat de graaf het collatierecht van de nieuwe kanunniksprebende zal hebben, dat de nieuwe kanunnik volwaardig lid van het kapittel zal zijn en dat deze de rang van subdiaken zal dienen te hebben of binnen een half jaar daarin gewijd moet worden.

Nos Guillelmus^a comes Haynonie^b, Hollandie^c, Zeelandie ac dominus Frisie universis ad quos presentes littere pervenerint, salutem in Eo qui est omnium vera salus. Cum ecclesia parrochialis de Gherolfsdike^d in Nortbevelandia^e, Traiectensis^f dyocesis, cuius ius patronatus ad nos spectare dinoscitur, per unum curatum usque nunc gubernari solita adeo habundat redditibus quod ex eisdem due persone ecclesiastice possunt commode^g sustentari et onera ecclesie sustineri^h, et dicta ecclesia per liberam resignationem Walteri filii Antonii de Vliete clericiⁱ nobis vacet, supplicamus devote et humiliter^j reverendo in Christo^k patri ac domino domino Iohanni^l, Dei gratia episcopo Traiectensi^m, quatinus propter cultum divini nominis ampliandum fructus et redditus ⁿ ecclesie predicte velit auctoritate ordinaria dividere: dimidiam partem fructuum et reddituum dicte ecclesie in decimis et in agris consistencium ecclesie beati Petri Middelburgensis^o collegiate assignando et^p incorporando ad constituendum in dicta collegiata ecclesia unum canonicatum et prebendam, qui canonicatus et prebenda in dicta ecclesia sancti Petri de novo constituantur atque deinceps in numero canonicatuum et prebendarum eiusdem ecclesie numerentur; et alia medietas dictorum fructuum et reddituum et oblationes et alia accidentia parrochiali ecclesie predicte remaneant pro curato eiusdem et omnibus dicte ecclesie oneribus^q supportandis.

Nos itaque Iohannes^r, Dei gratia episcopus Traiectensis^s, ad devotam supplicationem domini Guillelmi^t comitis antedicti, et ut divinus cultus protinus dilatetur, fructus, redditus et proventus dicte parrochialis ecclesie dividimus auctoritate ordinaria in modum qui sequitur et in formam videlicet quod medietas omnium decimarum et agrorum cedat in perpetuum ecclesie sancti Petri Middelburgensi^u pro uno canonicatu et prebenda, quos in dicta ecclesia de novo constituimus atque auctoritate ordinaria ordinamus, et alia medietas dictorum agrorum et decimarum cum omnibus oblationibus et aliis obventionibus quibuscumque dicte^v parrochiali ecclesie ^w in perpetuum ^x remaneat^y pro curato eiusdem et omnibus oneribus predicte^z parrochialis ecclesie supportandis, hoc adiecto quod dicta parrochialis ecclesia solvat anno quolibet dicte ecclesie beati Petri pactum in quo tenetur ecclesie beati Petri predicte, sicut consuevit hactenus solvere, et in hoc in perpetuum^a' remaneat obligata. Decernentes^b' collacionem dictorum canonicatus et prebende ad dominum comitem predictum eiusque successores perpetuo pertinere, atque ordinantes quod fructus et redditus predicti ad ecclesiam collegiatam^c' de Middelborch^d' predictam una cum aliis fructibus eiusdem ecclesie incorporentur, et canonico qui pro tempore fuerit portio sibi contingens dictis fructibus et aliis omnibus fructibus distribuatur sicut et aliis canonicis ecclesie supradicte. Volentes eciam atque auctoritate ordinaria decernentes quod dicti canonicatus et^e' prebenda nemini conferantur nisi subdyacono vel acolito qui teneatur infra semestre tempus ad subdyaconatus ordinem promoveri; quodsi non fecerit, eum decernimus exnunc ipso iure privatum, atque elapso tempore semestri possit cuicumque alteri conferri qui eodem modo sit subdyaconus actu vel acolitus et teneatur eciam^f' modo supradicto ^g' ad subdyaconatus ordinem promoveri. Atque volumus quod canonicus quicumque pro tempore fuerit teneatur ad omnia in quibus alii canonici sunt astricti, et prestet de omnibus sicut et alii canonici iuramentum.

In cuius rei ^h' testimonium perpetuum et munimen nos Iohannes^i' Dei gratia episcopus Traiectensis^j' et Guillelmus^k' comes Haynonie^l', Hollandie^m', Zeelandie^n' ac dominus Frizie^o' antedicti sigilla nostra presentibus litteris duximus apponenda. Datum apud Valenchenas in festo Pasche anno Domini millesimo trecentesimo vicesimo quinto.