Registers van de Hollandse grafelijkheid 1299-1345

Graaf Willem III verklaart dat ten overstaan van hem en van drie met name genoemde leenmannen heer Gillis van Kruiningen, ridder, alle grafelijke leengoederen aan hem heeft opgedragen ten behoeve van zijn zoon Raas die hij heeft bij vrouw Catharina van Rotselaar en van de zoons die hij nog bij haar zou krijgen, onder wie na zijn dood deze goederen verdeeld zullen worden; de oorkonde wordt meebezegeld door de getuigen.

Wi Willem^b grave van Henegouwen^c, van Holland, van Zeeland ende here van Vrieseland^d maken cond allen luden dat ^e haer Gillijs van Cruninghen, ridder, quam voir ons ende voir onsen mannen alze voir haren Florens^f van der Vere, haren Henric^g van Everinghen, riddren, ende voir Boudwijn^h van der Maelstede, ende droch up al dat goed dat hi van ons houdende es toit sijns soens behoef dien hi hevet van ver Katherinen van Rothelareⁱ jof toit dier sonen behoef die hi noch hebben mochte van hare, elker lijc te deelne ghelike Rachon^j sinen sone, ende dit na sienen leven.

In kennesse der waerheyt hebben wi desen brief bezeghelt med onsen seghele. Ende want wi haer Florens van der Vere ende haer Henric^k van Everinghen, riddre, ende Bouddijn^l van der Maelstede hier over waren, soe hebben wi desen jeghewordighen brief med onsen lieven here den grave voirnoemd besegheld med onsen seghelen omme die^m meerre sekerhede. Ghegheven in Middelburchⁿ des vridaghes na sente Odulfs dach int jaer ons Heren dusent driehondert vijf ende twintich^o.