Registers van de Hollandse grafelijkheid 1299-1345

Graaf Willem III verkoopt Jacob heer Domaasz. in recht eigendom al zijn erven te Middelburg gelegen achter het Gravensteen en achter de (Lange) Noordstraat, met uitzondering van het erf van het Gravensteen en de eraan gelegen hofstede, voor 40 s. groten Tournois.

Wi Willem^a grave etc. maken cont allen luden dat wi bi des abts rade van Middelburch^b ende bi Vrederic^c, die^d onse rentemeester was van Zeland^e, vercocht ende verghicht hebben in rechten eyghendome Jacob ser Domaes sone alle die arve bachten onsen Stene in Middelburch^f ende bachten der Nordstraten^g, alse^h verre als si ons toe behoirt metten rechte, uytghenomen die arve van onsen Stene ende die hofstede die daer an leghet, an die nordside streckende van der straten achterwaerds alse verre als die hofsteden dier an beden siden ane legghen, om XL s. groter Tornoyseⁱ die hi ons zelven vol ende al betaelt hevet; ende dese arve vors. ghelove wi Jacob ser Domaes f. te waren tallen rechte.

In orconde etc. Ghegheven in die Haghe des sonnendaghes na sente Lucas dach int jaer XXV^o.