Registers van de Hollandse grafelijkheid 1299-1345

Graaf Willem III scheidt van de inkomsten van de halve kosterij van Oostkapelle 25 pond Tournois per jaar af, waarmee hij een kapelanij sticht en doteert in de Onze Lieve Vrouwekerk in de abdij van Middelburg, ter eeuwige gedachtenis aan rooms-koning Willem, die daar begraven ligt.

Vgl. nrs. ZE 356 en 357.

Wi Willem grave van Heynegouwen^b etc. maken cont allen luden. Want die ene helfte van der costerien tote Oest cappel^c in Walchren^d, die onser giften toe behoert ende ons nu open es bi Pieter Colins^e f. doit, alse^f goit es van renten ende vervalle datter twie persone hem zuverlike up bedraghen moghen, zoe hebben wi om Goids dienst te meersen ende in eweliker ghedenkenesse eens edels hoghen princen heren Willems, wileneer des^g coninx van den Romaynen, daer God die ziele of hebbe, ende onser voervorders ziele ende onser van der tiende die deser vorseyder helfte toe behoirt bewiset ende bewisen vive ende twintich pond Tornoyse^h, den groten over XVI d., elcs sjaers voren uyt te nemen, daer wi mede funderen ende dotieren ene capelrie, te verdienen bi enen goden capellaen, in wat stane dat hi si, daghelix zoe waneer dat hies ghestaet es, in onser Vrouwen kercke in den cloester in Middelburchⁱ, daer die coning Willem^j vors. begraven leyt, dien wi of ^k onse nacomelinghe die capelrie gheven zullen up een outaer dat die abt van Middelburch^l daer toe zal doen maken bi onsen goidenken; ende dat ander dat boven desen XXV lb. Tornoyse^m van der vorseyder tienden jaerlixⁿ comen zal, laten wi ende bewisen met anders den^o vervalle datter vorseyder helfte van der costerien toe behoirt den coster dien^p wi jof onse nacomelinghe die helfte van der costerien vors. gheven zullen, om die costerien te verwaren ende te verdienen alse zede ende woente es.

In orconde etc. Ghegheven tote Zirixee^q des sonnendaghes na sente Nyclays dach int jaer ^r XXV^o.