Registers van de Hollandse grafelijkheid 1299-1345

Graaf Willem III geeft de verwanten en vrienden van Hannekijn de Loper, poorter van Zierikzee, die ten tijde van een bestand voor de haven van Dunwich met veertien gezellen en drie knapen uit Schouwen door de Engelsen was doodgeslagen en wiens goederen, met een geschatte waarde van 40 pond groten Tournois, waren geroofd, toestemming om goederen van Engelsen te confisqueren en onder de baljuw van Zierikzee te brengen, uit welke goederen hun schade betaald zal worden.

Wi Willem^b grave ^c etc. maken cont allen luden. Want die Enghelse Hannekijn^d den^e Loper^f, onsen porter van Zirixee^g, met XIIII siere ghesellen ende III knapen uyt onsen lande van Scouden doet ghesleghen hebben te Donewijc^h vor die haven nu des vrijdaghes vor sente Martijnsⁱ dach in den winter leste gheleden^j, ende haer scip ende haer goit dat binnen scepe was ghenomen, dat ghepriset es ^k bi onsen scepen ende anders goden luden van onser poerten van Zirixee^l vor XL lb. groter Tornoyse^m sonder die doede lude, binnen bestande dat wi ghesproken hadden met Ridsaerde van Bitoyeⁿ den meester van den stapel van Engheland^o, soe hebben wi Hannekijns^p maghe vorscreven ende sinen vrienden orlof ghegheven ende gheven met desen brieve haren scade up^q den Enghelsen te verhalen zoe waer si moghen, in manieren zoe wat^r dat si ghecrighen of nemen moghen up die Enghelsen, dat si dat brenghen zullen gheheel ende sonder of done onder onsen baliuy van Zirixee^s, ende van dien gode bi onsen baliuy vors. ende bi onsen scepene van Zirixee^t hem haren scade te verzetten.

In orconde etc. Ghegheven tote ZirxeZirixee^u des donresdaghes na sente Nyclays^v dach int jaer XXV^o.