Registers van de Hollandse grafelijkheid 1299-1345

Graaf Willem III beleent Mathijs Rengersz. met het ambacht in 's-Heer-Hadden nieuwland, dat diens broer Nicolaas Rengersz. hem daartoe had opgedragen; voorts bepaalt hij hoe Mathijs en Nicolaas hebben te handelen al naargelang het vonnis uitvalt in de rechtszaak over de vraag of Nicolaas recht had op een deel van het huis te Simonskerke.

Wi Willaem^b grave ^c etc. maken cont allen luden dat voir ons quam Clais Reinghaers^d zone ende droech ons oppe alsulc ambacht als hi hadde ligghende in sHerHadden^e nieweland, ende dat wi dat^f voirt verlijt^g hebben Mathise Regghaers^h zone sinen broedere van ons te houden ten rechten leene. Voirt verlyde hem Claijsⁱ voir ons, ware dat sake dat hi veynoet^j ware ane dat huys te Simoens kerke^k ende hem toe ghewijst worde met vonnesse na der hantvesten die si hebben van onsen voervorders^l, soe soud hem Matijs^m ghelden bi hoeren ghemeenen vreenden alsoe goet alst hem Reggherⁿ hoere vader^o liet na siere doet; ende wort^p hem niet toe ghewijst metten vonnisse, soe soud Matijs^q behouden tote al sulken rechte als hijt sculdech van ons ware te houdene, behoudelike^r hier in Claijs^s rechte ^t dat hi dair^u in hebben mochte, ware dat sake dat ane ons verstorve.

In orcunde desen brieve beseghelt met onsen seghele^v. Ghegheven tote Sinte Gheerdenberghe^w oppe sinte Jans dach te middezomere in jaer ons Heren M^o CCC^o ses ende twintich.