Registers van de Hollandse grafelijkheid 1299-1345

Graaf Willem III ontneemt Pape Gerlofsz. na klachten over diens functioneren het veer van Vlissingen, en geeft dit aan Domaas de Baars met de bepalingen dat deze redelijk veergeld zal heffen en hem en leden van zijn herberg gratis zal overzetten.

Vgl nr. ZE 278.

Wi Willaem grave van Henegouwen^b etc. maken cond etc. dat wi onse vere tote Vlissinghen^c, die wi Papen Gheroelfs^d sone ghegheven hadden toit onsen wedersegghen, om alrehande croninghe die ons van hem ghecomen es hem wedersegghen met desen brieve. Ende bevelen onse vere aldaer voirs. te houden ende te verwaren Domaes den Baers also datter onse eere ende der goeder lude oirbaer van onsen lande in verwaert sie, om redeliken veerscat te nemen van eelkerlike die sculdich es als hier voirmaels gheploghen es; ende daer bi zal hi ons ende onse lude van onser herberghe die in onser oirbaer varen als si op onse vere te Vlissinghe^e comen doen over voeren sonder veerscat. Dit zal gheduren tonsen weder segghen.

In oirkonde etc. Ghegheven tote Berghen^f in Heynnegouwen^g des woensdaghes na sinte Lucas dach int^h jaer ons Heren M CCCⁱ XXVI.