Registers van de Hollandse grafelijkheid 1299-1345

Graaf Willem III bevestigt de koop door Waddin Hendriksz. van Zierikzee van de helft van de veerrechten te Borrendamme, met toestemming van de graaf door Boudewijn des Lopersz. verkocht uit de goederen van Jan Hellekoopsz. in mindering van Jans schuld aan Boudewijn, en hij beleent Waddin met deze halve veren.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. ZE 394.

Wi Willem^a grave van Heynnegouwen^b etc. maken cond allen luden^c dat wi vaste ende ghestade houden alsulken coep alse Boudwijn^d sLoepers^e sone ghedaen heeft bi Jan^f Wissen sone, onsen bailiu van Zeerixee^g, na den brieve dien wi hem ghegheven hadden, op Jan Hellecop^h zoens goede te vercoepen hem zelven scadeloes mede te quiten, dats te weten die helfte van alle der vere van Berdendammeⁱ, die Waddijn Heynrix zone van Zeerixee^j ghecoft ende betailt heeft in minderinghe van Jan Hellecoep^k soens scoud voirs.; ende dese voirseyde helfte van der vere van Berdendamme^l hebben wi Waddijn^m voirs. verliet ende verlient voir onse manne ende voir onse scepene van Zeerixeeⁿ van ons te houden ten rechten liene, in alle diere manieren te verwaren alse Hobuyc^o Hellecoeps^p sone zine helfte sculdich es te verwaren.

In oirkonde etc. Ghegheven in Middelburch^q des donresdaghes voir Midvasten int jaer ons Heren M CCC zes ende twintich.