Registers van de Hollandse grafelijkheid 1299-1345

Graaf Willem III machtigt de abt van Middelburg, Gillis Boudewijnsz. baljuw van Middelburg en Jan Hendriksz. rentmeester van Bewesten Schelde om partijen te verzoenen die te Vlissingen betrokken waren bij de doodslag op Pieter Danielsz. van der Sluis, en gelast een ieder de aldus gemaakte vrede te eerbiedigen en die gemachtigden te gehoorzamen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^b grave van Heynnegouwen^c etc. maken cond allen luden dat wi onsen lieven ende ghetrouwen den abt van Middelburch^d, Gillijs Boudijns sone onsen baliu van Middelburch^e ende Jan Heynrix f.^f onsen rentemeyster van Bewesterscelt^g in Zeeland bevolen hebben ende bevelen met desen brieve, behouden ons rechts, ende gheven hem machte vreden te maken, soending^h ende daghe te maken van Pieter Daniels soens doet van der Sluys, die te Vlissinghe ghesleghen ward, ende van den ghenen diese sloghen ende van horen vrienden ende ⁱ maghen van allen siden voirscreven; ende so wat si dair toe doen van vreden te nemen, van daghen ende van soendinghe te maken, dat sullen wi vaste ende ghestade ^j houden. Ende ombieden allen onsen luden die in onsen lande wone dat si alsulken vrede alse onse lude voirscreven nemen ende alsulke daghe ende soending als^k si maken, vaste ende ghestade houden ende onsen luden voirscreven dair in ghehorich ende onderdanich sien, ende des niet en laten also lief als si ons hebben. Dit zal gheduren tonsen wedersegghen.

Ghegheven in Middelburch^l des donresdaghes na onser Vrouwen dach in marte int jaer ons Heren M CCC ses ende twintich.