Registers van de Hollandse grafelijkheid 1299-1345

Graaf Willem III verpacht Willem Reimaarsz. de 8 gemet tienden in Sabbinge die deze met grafelijke toestemming had gekocht van Gillis Jansz. van den Waarde.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. het volgende nr. ZE 446.

Wi Willaem^a grave etc. maken cond etc. Want Gillijs Jans sone van den^b Wairde vor ons quam ende verliede dat hi van den zestien ghemete tienden die sijns vaders wairen ende achte ghemete tienden die Wouter Soeten wairen vercoft hadde, alse verre alst onse wille waire, Willaem^c Reymers^d sone achte ghemete tienden legghende in Sabbinghe, in deelinghe van den tiende voirscreven, ende hi ons dair of zine brieve op gheleverd heeft; zoe hebben wi Willaem^e voirs. gracie ghedaen ende hebben hem dese achte ghemete tienden voirs. verliet, behouden elken anderen sijns rechts, van ons te houden ende te besitten in allen manieren alse die brief hout die bi wilcore van ons ende van onsen mannen van Zeelland^f dair of ghemaket ende bezeghelt is. Ende hier of zoe sel^g hi ons jairlix te pachte gheven drie scellinghe ende neghendalf^h penning Hollandsⁱ.

in oirkonde etc. Ghegheven in Middelburch^j up den Palmen sonnendach int jair ons Heren M^o CCC^o XXVII^o.