Registers van de Hollandse grafelijkheid 1299-1345

Graaf Willem III geeft Herman van Revele en diens broers vrijgeleide tot 1 oktober eerstkomend om in zijn landen en wateren beslag te leggen op lieden en goederen uit Schotland totdat de schuld is vergoed die zij uitstaande hebben bij Herman van Nieuwenhove, knaap van de koning van Schotland, die om die reden in Middelburg in de gevangenis had gezeten maar daaruit was ontsnapt voordat hij had betaald.

Vgl. nr. ZE 436, alsmede nrs. ZE 657-659.

Wi Willaem^b grave etc. maken cond etc. Want Harman^c van den^d Nuwen hove, knape eens hoghe mans des coninx van Scotland, ghevanghen was in Middelburch^e in onse ghevanghenesse voir scult die hi sculdich was Harmanne^f van Revelen ende sinen broederen, also als hi^g bekant hadde met scepenen letteren van onser port van Middelburch^h voirs., ende hi onbetailt ontloepen esⁱ uyt onser^j vanghenessen, ende wi sent den coninc van Scotland versocht hebben ^k met onsen brieven dat hi sinen knape vorseyt zo zulc hilde dat hi desen voirsproken Harman^l ende sinen broederen ghenoech dade van der scout dair hi of ghevanghen was, dat hi noch niet ghedaen en hevet; ende omme dat wijt al uyt vervolghen wouden an den coninc, zo hebben wi desen vorseyden Harman^m gheleyde gheghevenⁿ te comen in onse land recht te gheven ende recht te nemen, tusken hier ende sinte Baven dach^o naist comende. Ende jof hi des niet en doet, zo hebben wi desen voirsproken Harman^p van Revele^q, sinen broederen ende haren boden die dese letteren bringhen oirlof ghegheven ende gheven te panden ende te resteren alle die lude ende dat god dat des coninx lude van Scotland es in allen onsen lande ende onse watere, in deser manieren: zo wat si panden dat si dat brenghen an onsen naisten baliu, rentemeyster jof scoute, also dat si die waerheyt weten joft uyt Scotland^r es ende sijt hem luden delivereren, also verre ende also langhe als hem die Harman^s sculdich es ende sijt toe connen brenghen met onser scepene letteren dat men hem sculdich es. Waer omme wi onbieden alle onse baliu, rentemeyster, scouten ende anders lude die onse recht houden dat si hem dair toe ghehelpich sien dat si hare scout vergouden ghecrighen alzo alst voirscreven es.

In orkonde etc. Ghegheven in die Haghe op sinte Marien Magdalenen dach in jaer ons Heren M CCC zeven ende twintich^t.