Registers van de Hollandse grafelijkheid 1299-1345

Graaf Willem III verpacht aan Jan Hendriksz. de 8 gemet tienden te Wissenkerke die hem waren opgedragen door Wouter Antonisz. van den Vliet, die deze tienden met instemming van de graaf aan Jan had verkocht voor 30 schelling groten Tournois per gemet, welke som aan de graaf komt in mindering van de schuld van Wouter jegens hem.

Vgl. nr. ZE 423.

Wi Willaem^a grave van Heynnegouwen^b etc. maken cond allen luden^c. Want Wouter Tonis^d sone van den Vliete ons op ghedraghen hevet in mijnderinghe van siere scout die hi ons sculdich es achte ghemete tienden onsen vrien wille mede te doene, ligghende in Wissenkerke^e in Noirt^f Beveland^g binnen desen vier ghemarken^h: die noirtside die zeedijc, die zuytside die wech di doir Noirtbevelandⁱ loept^j van Wissenkerke^k tot Campen toe, die oistzide^l die wech die loept^m voir Jan Pieter Hughen soens soen, ende die westzide Campee; in diere manieren: so wat die tiende ghelden mochteⁿ, dat wi dat of corten zouden van siere scout. Ende want Jan Heynrix sone jeghens Wouter over een ghedraghen^o hevet, also verre alst onse wille ware, dat hi die achte ghemete tienden voirscreven hebben soude^p, elc ghemet omme dertich scellinghe groeter Tornoyse^q, zo hebben wi Jan Heynrix sone voirnoemd dien tiende verliet omme dat voirs. ghelt, dair hi ons of voldaen hevet^r; ende van desen tiende zal hi ons^s jaerlix te pachte gheven IIII s. ende VI d. Hollands^t, te houdene ende te besitten in alre manieren als die brief ^u ende ordinancie van den tiende hout die bi wilcore van ons ende van onsen mannen van Zeeland^v ghemact ende bezeghelt es.

In orkonde etc. Ghegheven in die Haghe int jaer ons Heren M CCC^o zeven ende twintich op sinte Marien Magdalenen dach.