Registers van de Hollandse grafelijkheid 1299-1345

Graaf Willem III bevestigt de door rooms-koning Willem op 11 maart 1248 vernieuwde keur voor de poorters van Zierikzee.

Wi Willaem^a grave van Heynnegouwen^b etc. maken cond ende kenlic allen luden dat wi ghesien hebben ene goede hantveste, wel ende ganselike gheseghelt^c met een hoghes prenchen seghele, ons lieves heren ons oems heren Willaems^d wilneer^e coninx in de Roemschen rike, dair God die ziele of hebben moete, sprekende in allen manieren als hier^f na volghet.

(Volgt de tekst van de oorkonde van koning Willem voor de burgers van Zierikzee d.d. 1248 maart 11, ed. OHZ II, p. 372-391, nr. 738.)

Ende wi Willaem^g grave^h van Heynnegouwenⁱ etc. omme die trouwe die wi altoes an onse lieve poirteren van Zeerixee vonden hebben ende omme menighen goeden dienst dien zi dicken ^j ghewillike onsen vorvaren ende ons ghedaen hebben ende, of God wille, ^k ons noch doen zullen, hebben^l wi hem gheconfirmeert ende ghesteket^m dese voirscrevene kore ende dit recht, ende hebben ghelovet ende gheloven voir ons ende voir alle onse nacomelinghe hem ende allen haren nacomelinghen al dat zelve recht van pointe te pointe also als het in dere kore voirscrevenⁿ staet vast te houden ende ghestade ewelike, zonder enich archlist.

Ende omme dat wi hem dit met goeder trouwen houden willen zonder enich wedersegghen van iemene, hebben wi hem in kennessen dese letteren gheseghelt met onsen zeghele uythanghende^o. Ghegheven te Berghen^p in Heynnegouwen^q op sinte Laurens dach int jaer ons Heren M^o CCC^o ende^r zevene ende twintich.