Registers van de Hollandse grafelijkheid 1299-1345

Boudewijn van Baarsdorp belooft graaf (Willem III) dat hij zich voor het achtste deel van de Baarsdorptienden op Walcheren ten oosten van Middelburg, dat hij van hem had gekregen, zal onderwerpen aan diens uitspraak; de oorkonde wordt medebezegeld door Nicolaas van Borsele en Boudewijn van de Maalstede.

Allen den ghenen die desen brief zullen sien of horen lesen makic^a cond Boudijn^b van Baersdorp^c dat ic ghelovet hebbe ende ghelove med desen brieve minen lieven here den grave van Heynegouwen^d ende van Holland^e alze van enen achtendele van Baersdorp^f tiende, legghende in Walcheren^g beoester Middelburch^h, die mins vader was ende mi min here die grave voirs. ghegheven ende te hand ghelaten hevet, dat ic dair of blive op sijns selves zegghen, ende dat te voldoene tote sinen vermanen.

In orkonde desen brieve bezegheld med minen zeghele. Ende omme die meere sekerhede zoe hebbic ghebeden Clayzeⁱ van Berselen^j ende^k Boudwijn^l van der Maelstede^m, minen lieven neven, dat si desen brief med mi bezeghelen willen. Ende wi Claesⁿ ende Boudwijn^o voirs. ^p omme die bede van Boudwijn^q van Baersdorp^r voirscreve^s ende in kennessen der wareyden hebben wi desen brief^t bezegheld med onsen zeghelen. Ghegheven des zatersdaghes nae ^u heylich Sacraments dach int jaer ons Heren M^o CCC^o acht ende twintich^v.

¶^w Item hevet Jan Henrix^x f.^y desen brief behouden, rentemeister van Middelburch^z.