Registers van de Hollandse grafelijkheid 1299-1345

Graaf Willem III verkoopt de helft van verschillende hem toegevallen tienden op Noord-Beveland, die alle worden opgesomd, in pacht aan jonkvrouw Elizabeth, weduwe van Lodewijk van de Maalstede.

Vgl. nr. ZE 505.

Wi Willaem^a grave etc. maken kond etc. dat wi van der tienden in Nortbeveland^b die ons versturven was, alse hier nae ghescreven staet: int eirste ses ghemete^c ende sestichstal^d roede op die Zuut edekinghe^e die Hughe Buest waren, item zevendalf^f ghemete tienden ende XIIII roeden tienden^g die heren Henrix^h van Scarpenisse waren, item drie ghemete ⁱ vijf ende dertich roeden tienden die Hannekijns Symons soens^j waren, item tien ghemete twie ende vijftich roede tienden die ver Gheylen des Monikes waren, item zeven ende dertich ghemete vijf roede tienden die Wouter Poppen soens waren, dit coemt in somme drie ende sestich ghemete ende achtien roeden tienden, vercoft hebben diene^k helfte daer of, dat zien twie ende dertichstal^l ghemet ende neghen roeden, joncvrouwen Lizebetthen^m Lodewijcsⁿ wedewe van der Mailsteden^o, ende hebbense hoir verlyet te besittene in allen manieren alse die brief houd die bi wilcore van ons ende van onsen mannen van Zeelland^p daer of ghemaict ende bezeghelt es; ende hier of zal zi ons jaerlix te pachte gheven vier scellinghe tien penninghe ^q enen hallinc Hollands^r.

In oirkonde etc. Ghegheven in die Haghe des dinxendaghes voir sinte Katherinen^s dach int jair ons Heren^t M^o CCC^o XXVIII^o.