Registers van de Hollandse grafelijkheid 1299-1345

Graaf Willem III geeft een van de twee pastoorsprebenden van de parochiekerk van Welle op Noord-Beveland aan heer Alexander van Huetten, priester.

Nos Guillelmus^a comes Haynnonie^b, Hollandie^c, Zeellandie^d ac dominus Frisie, universis presentibus protestamur quod nos medietatem ecclesie parrochialis de Wellis in Nortbevelandia^e, Traiectensis^f diocesis, vacantem per liberam resignacionem seu mortem domini Petri dicti Manne novissimi rectoris eiusdem, ad nostram collacionem seu presentacionem spectantem, discreto viro domino Alexandro de Huetten^g presbitero contulimus et per presentes conferimus pure et simpliciter propter Deum; rogantes cum ipso et pro ipso dominum archidiachonum loci eiusdem seu eius vices gerentem ut eidem curam animarum et custodiam reliquiarum medietatis ecclesie predicte committere dignetur cum sollempnitatibus ad hoc debitis et consuetis.

Presentium testimonio litterarum nostro sigillo munitarum. Datum apud Hairlem^h die dominico post festum Katherineⁱ anno Domini M° CCC° vicesimo octavo.