Registers van de Hollandse grafelijkheid 1299-1345

Graaf Willem III, die met heer Gerard heer van Voorne en burggraaf van Zeeland en diens zoon Albrecht een overeenkomst heeft gesloten over het burggraafschap, beleent de eerstgenoemde in verband daarmee met 600 pond Hollands per jaar uit diverse met name genoemde inkomsten en goederen bij ’s-Gravenzande en elders in Holland, alsmede met het huis te Warmond; de oorkonde wordt medebezegeld door heer Jan van Henegouwen, heer van Beaumont.

Vgl. nrs. ZE 511-514, 518, 520, 521, 534 en 539.

Wi Willaem grave van Heynnegouwen^b etc. maken cond allen luden. Want onse lieve neven here Gherard^c here van Vorne^d, burgrave van Zeelland^e, med Alebrecht sinen sone omme meere rusten ende vrienscape med ons te hebben med ons over een ghedraghen sien van den rechte van der burchgravescip van Zeelland^f, zoe hebben wi heren Gherarde^g here van Vorne voirs. ghegheven ende gheven zes hondert pond Hollands^h sjaers, den groten koninxⁱ Tornoyse^j over achte penninghe^k gherekend, in leene van ons te houden in de manieren van leene als hi die burchgravescip voirs. van ons ^l te houden plach ende noch hout, voir wilke zes hondert pond Hollands sjaers voirscreven wi heren Gherarde^m voirs.ⁿ ghegheven hebben ende gheven alsulke goede alse hier nae ghenoemt sien. In den eersten in Sandambocht^o in^p Oudeland an erfhuren alsoe als wi hem bewijst hebben neghen ende viertich pond zestien scellinghe Hollands sjaers; item zes morghen op den Verchen wael^q in jarighere huren voir zeven pond Hollands sjaers; item den hoec van Blomendale voir drie pond Hollands sjaers; item int Nuweland te Sande in erfhuren alsoe als wi hem bewijst hebben drie ende dortich pond vier scellinghe ende vier penninghe Hollands sjaers; item int Nortland^r te Sande^s twie hondert tien morghen lands, elke morghen in erfhuren sjaers omme viertich penninghe Hollands sjaers, voir vijf ende dortich pond Hollands sjaers; item in tarwe pachte te Sande^t vier hoed zes ende twintich achtendeil tarwen voir neghentien^u pond vief scellinghe Hollands sjaers; item die landwinneghe^v in Zand ambocht^w voir viertich scellinghe Hollands sjaers; item die weyde op den Verschen wael^x voir ses pond Hollands sjaers; item den Andel voir hondert pond Hollands sjaers; item op die ghemeene poirte^y van den Zande van den molen ende van den winde in erfhuren vive ende dortich pond Hollands; item in Sandambocht^z vier hondert ende tachtich hoenre^a' sjaers voir zes pond Hollands sjaers; in Monster^b' ambocht in den Poeldijc^c' een ende tachtich morghen lands in erfhuren vor drie ende viertich pond ende vier scellinghe Hollands sjaers; item aldar^d' zes morghen dat men tLand van Lisse^e' hiet vor vijf pond Hollands sjaers; item aldair neghen tien morghen lands die men den Ouden pacht heet, ende verhurt^f' sien te live vor tien pond zes tien scellinghe ende neghentien penninghe Hollands sjaers; item an hofstede hure in den Poeldijc^g' vier pond ende zeven scellinghe Hollands sjaers; item die land winninghe in Monsterambocht^h' vor vive ende twintich scellinghe sjaers; item in Monster^i' hondert ende zestien hoenre sjaers vor viertich scellinghe Hollands^j' sjaers; in Maseland hondert I^k' ende tachtich morghen lands vor twie ende neghentich pond ende vijf scellinghe Hollands sjaers; in Warmonde op die^l' gheest neghen morghen vier hond ende acht ende dortich roeden lands voir neghen pond zes scellinghe Hollands sjaers; item in Warmonder^m' broec^n' behalven Wouters land van Gheylwijc, dat wi ane ons selven houden, hondert drie ende tsestich ^o' morghen lands voir zeven ende viertich pond ^p' twie penninghe Hollands sjaers; item tusken tien morghen ende twaelven, dairt thuys te Warmond^q' in staet, vor tien pond Hollands sjaers; item den chyns^r' te Warmonde vor twaelf penninghe Hollands sjaers; item an thinze^s' te Nortich^t' vijf pond ende zestien scellinghe Hollands sjaers; item in den Niewen broec in Slandwijc^u' hondert twintich morghen lands in erfhuren, die morghen omme acht scellinghe Hollands sjaers, voir acht ende viertich pond Hollands sjaers; item aldair dat men tLeen heet^v' vijf ende viertich morghen, des gheven wi den here van Vorn voirs. van der west zide in die ene helt^w', dat sien drie ende twintich^x' morghen, die morghen in erfhuren vor vijf scellinghe Hollands sjaers, vor vijf pond twaelf scellinghe ende zes penninghe Hollands sjaers; item aldair vier hondert hoenre sjaers vor vijf pond Hollands sjaers; item in Zuadeburghedamme^y' zes morghen lands die Gheret^z' Claes^a'' sone in huren heeft vor twie ende vijftich^b'' scellinghe Hollands sjaers; item in Rijswijc zeventien morghen lands die Roede Hughekin^c'' in huren heeft vor twaelf pond Hollands sjaers. Vort hebben wi heren Gheraerd^d'' here van Vorne, burchgrave van Zeeland voirnoemt, ghegheven ende gheven onse huys te Warmonde hem ende sinen nacomelinghen van ons ende ^e'' van onsen nacomelinghen^f'' in leene te houden med den goiden^g'' voirscreven, in allen manieren van leene alse voirscreven es.

Ende omme dat wi ende onse nacomelinghe wittelike ende trouwelike houden sullen^h'' hem ende sinen nacomelinghen alle stucken voirscreven, sonder archlist, zoe hebben wi hem desen brief open bezegeld med onsen zeghele; ende omme die meere zekerhede zoe hebben wi ghebeden heren Janne van Heynnegouwen^i'', here van^j'' Baymont^k'', onsen broeder, dat hi desen brief med ons bezeghelen wille^l''. Ende wi Jan van Heynnegouwen^m'', here van Baymont^n'', omme bede willen ons lieves heren broeders heren Willaems^o'' grave van Heynnegouwen^p'', van Holland^q'', van Zeelland^r'' ende here van Vriesland^s'', hebben in kennessen der warheden desen brief med hem open bezegheld med onsen zeghele.

Ghegheven tote Dordrecht^t'' des woensdaghes nae sinte Lucyen^u'' dach int jaer ons Heren M° CCC° acht ende twintich.