Registers van de Hollandse grafelijkheid 1299-1345

Graaf Willem III verkoopt jonkvrouw Aachte, weduwe van Hendrik Hugenz., voor 15 pond groten Tournois alle tienden in Haaimanambacht die eerder van Hendrik Merlijn waren, ter grootte van 14½ gemet, waarvoor zij hem een jaarlijkse pacht van 10 schelling Hollands zal betalen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. het voorafgaande nr. ZE 524.

Wi Willaem^b grave van Heynnegouwen^c etc. maken cond allen luden^d dat wi vercoft hebben joncfrou Agheten, Heynric^e Hughen^f soen^g wedue, al den tiende die Heynric^h Merlinsⁱ was ende ons ane quam bi ser Jan Merlins^j doit, liggende in Haymanne ambocht, dair die somme of loept^k viertien ghemete ende een half, al den hoep omme viechtien^l pond groter Tornoyse^m, dair si ons ghenoch of ghedaen hevet bi Janⁿ Heynrix^o sone onsen rentemeyster van Bewestersceld^p in Zeelland^q; ende desen voirseyden tiende sal joncfrou^r Aghete voirscreven van ons houden ende besitten in alre manieren als die brief^s ende die ordinancie van den tiende hout die bi consente van ons ende bi wilcore van onsen mannen van Zeelland^t dair of ghemaect^u ende bezeghelt es, ende hier of sal si ons jaerlix te pachte gheven tien scellinghe Hollands^v.

In orkonde etc. Ghegheven^w in Middelburch^x des vriendaghes voir sente Gregorius^y dach in marte^z int jaer ons Heren M° CCC° acht ende twintich.