Registers van de Hollandse grafelijkheid 1299-1345

Graaf Willem III beleent Gerard Alewijnsz. uit Leiden met in totaal 24 gemet onder andere in de hofstede van Malland in het ambacht Poortvliet, ter compensatie van de 16 gemet in Hugelijnszand die nu in grafelijk bezit is, welke goederen naar taxatie van de schepenen van Poortvliet van gelijke waarde zijn.

Wi Willaem^a grave van Heynnegouwen^b etc. maken cond etc.^c dat wi bi Jan^d Wissen sone onsen rentemeyster van Beoisterscelt^e in Zeeland ghegheven hebben ende bewisen in den ambocht van Poirtvliet^f Gherard^g Alewijns sone ute Leyden XIII mete^h ende LXXIII roeden lands in die hofstede van Mallant tuschen Jans lande van den Hoeke ende Arnouds ende Jans lande van Scenghe, die Ee west of ende die here wech voir die hofstede oyst of; in Lielen lande VII mete XXV roeden mijn, behalven XCV roeden lands die Arnoudⁱ ende Jan van Scenghe^j hebben in die Westermeet^k van Lielen lande van der oist side in; in die Teghelrie II mete I verendeel lands; bi Thonis Pieter Buts^l soens I½^m mete VII roeden van der suytside in van sgraven lande dat leghet an Arnoudsⁿ ende an Jans ric van Scenghe^o; dat coemt in somme XXIIII ghemete, die wi hem sculdich waren na der scepen scattinghe van Poirtvliet^p voir die XVI mete lands die sine waren in Hughelijns sant^q, ende wi nu hebben. Ende dese XXIIII mete lands in Malland voirscreven sal hi van ons houden te liene in allen manieren ende rechte^r dat hi die sestien ghemete lands in Hughelijns^s sand voirscreven van ons te houden plach.

In oirkonde etc.^t Ghegheven in die Haghe op sente Thomas dach int jaer ons Heren M CCC° XXIX^o.