Registers van de Hollandse grafelijkheid 1299-1345

Graaf Willem III beleent jonkvrouw Meine, echtgenote van Jan Wolfert, met de helft van 700 gemet ambacht in de parochie (van Hoedekenskerke) die zij van hem had gekocht, alsmede met de helft van 11 gemet leenland aldaar; voorts verpacht hij haar de helft van 20 gemet 18 roeden tienden aldaar, voor 7 schelling 7 penning en 1 halling Hollands per jaar.

Vgl. nrs. ZE 557 en 558; uit de tweede oorkonde blijkt in welke parochie de in de tekst genoemde goederen liggen.

Wi Willaem^a grave etc. maken cond^b etc. dat wi joncfrou Maynen, Jan Wlfarts^c wijf, verliet hebben ende verlien mit desen brieve die ene helft van zeven hondert ghemete ambochts jof dair ommetrent ^d, die ons ane comen waren van Gillise van Oedekijns kerke ende si tyeghens ons ghecoft hevet; voirt zo hebben wi hoir mede verliet die ene helfte van elf ghemete leen lands legghende in der selver prochy, die ons mede ane comen waren van Gillijs^e voirscreven^f; wilc ambocht ende leenland voirscreven si houden sal ten rechten lene. Voirt hebben wi hoir mede vercoft die ons oec ane quamen van Gillijs^g voirs. in der selver prochy die ene helfte van twintich ghemete ende achtien roeden tienden, te houden onder enen jaerlixen pacht van zeven scellinghe zeven penning ende enen hallinc Hollands^h, te betailenⁱ jaerlix ende in al diere^j manieren te houden als die hantvesten van den tienden spreken die bi ons ende bi onsen mannen dair op^k ghemact zien.

In orkonde etc. Ghegheven in Middelburch^l des donresdaghes na sente Thibursius^m dach int jaerⁿ XXXI°.